Алматы қаласы әкімінің орынбасары Мақсат Кикимовтың төрағалығымен өткен халықты жұмыспен қамту мәселелері жөніндегі комиссияның отырысында мемлекеттік бағдарламалар аясында білім беру ұйымдарының, мамандықтардың және кәсіптік оқуға түсушілердің тізімдері бекітілді.
Биылғы жылы мың алматылықты 2017-2021 жылдарға арналған «Еңбек» нәтижелі жұмыспен қамтуды және жаппай кәсіпкерлікті дамытудың мемлекеттік бағдарламасы бойынша қысқа мерзімді курстарда оқыту жоспарланған. Бүгінгі таңда 15 мамандық бойынша 409 адам (кондитер, аспаз, шаштараз, тырнақ техник, макияж суретшісі, электрмен дәнекерлеуші, есепші, веб-дизайнер, сән кесуші, туристік агент, кеңсе қызметкері, компьютер операторы, тігінші, киім дизайнері, массажист) оқуға өтініш білдірді.
41 мамандық бойынша 34 оқу орталығымен келісім жасалды, сабақтар онлайн және оффлайн режимінде өтеді. Оқу мерзімі мамандыққа байланысты 1 айдан 3 айға дейін. Оқыту барысында стипендия 20949 теңге көлемінде төленеді, курстар аяқталғаннан кейін сертификат беріледі және жұмысқа орналасуға көмек көрсетіледі. Сондай-ақ, бизнес-идеяны жүзеге асыру үшін тегін мемлекеттік грант алуға мүмкіндік бар.
Жұмыссыз азаматтар (Алматыда алты айдан астам мерзімге тұрақты немесе уақытша тіркеуі бар) қысқа мерзімді курстардың қатысушылары бола алады.
Ағымдағы жылдың басынан бастап Алматы қаласының Жұмыспен қамту орталығы 12 716 адамды жұмыспен қамтыды, оның ішінде 5346 адам тұрақты жұмыста, 6948 адам уақытша жұмыс орындарында, 323 адам Жұмыспен қамтудың жол картасы бағдарламасы бойынша жұмыспен қамтылды. 2021 жылы қысқа мерзімді курстарға оқуға 836 адам жүгінді, олардың 366-сы жұмысқа орналастырылды. Орталықтың көптеген қызметтерін ENBEK.KZ порталы арқылы онлайн режимінде алуға болады.
Источник: 365.info
