Қазақстанда азаматтардан мүлікті алып қою саны екі есе өсті, деп хабарлайды LS.
Әділет министрі Марат Бекетаевтың айтуынша, 2020 жылы жылжымайтын мүлікті, машиналарды және басқа да мүлікті алу бойынша өсім екі есе, ал кейбір көрсеткіштер бойынша 2,5 есе өсті.
“Бұл біз 2019 жылы осындай нәтижелерге қол жеткізуге мүмкіндік беретін бірқатар шаралар қабылдағандықтан болды. Осылайша, Әділет министрлігі, Жеке сот орындаушылар палатасы және әкімдер арасында меморандумдарға қол қойылды. Онда біз екі негізгі бағыт бойынша белсенді өзара іс – қимыл жасауға келістік: борышкерлерді жұмысқа орналастыру және оларды жауапкершілікке тарту”, – деді ол.
Министр борышкерді әкімшілік және тіпті қылмыстық жауапкершілікке тарту үшін ішкі істер органдарының қолдауы қажет екенін айтты.
“Бұл тұрғыда әкімдіктер мен ІІД бізге көмектесті. Бізде тек алып қоюлар бойынша ғана емес, әкімшілік және қылмыстық жауапкершілікке тарту бойынша да өсім бар. Мысал ретінде: Нұр-Сұлтанда қарыз үшін Toyota Land Cruiser Prado жаңа автокөлігі тәркіленді. Бұл жұмыс жалғасатын болады, бұл біздің басымдығымыз”, – деп түйіндеді Бекетаев.
Бұған дейін хабарланғандай, банктер алдындағы несиелер бойынша мерзімі өткен берешек бір жыл ішінде 169,5 млрд теңгеге өсті. Сондай-ақ, әрбір экономикалық белсенді қазақстандыққа орташа қарыз 473 мың теңгеге дейін өскендігі белгілі.
Ақпарат көзі: https://lsm.kz/dolg
